Pascal J. Thomàs es nascut en 1958 a Marselha. Obtenguèt son doctorat de matematicas a Los Angeles en 1986, e trabalha dempuèi 1987 coma ensenhant-cercaire a l'Universitat Paul Sabatier (Tolosa). Dempuèi la fin de las annadas setanta, escriu sus la sciéncia-ficcion d'articles de tota mena — a agut contribuit a Fiction, Locus, Bifrost e The New York Review of Science Fiction. Dempuèi 1995 fa capredactor del fanzine (fenhant) Keep Watching the Skies, dedicat a las criticas de libres. Es engatjat dins l'occitanisme dempuèi las annadas 1990, en particular dins lo movement Calandreta. Presidís dempuèi 2005 l'associacion « D'Arts et d'Oc », que porgís d'activitats culturalas en occitan als escolans de Nauta Garona. Collabòra als tèxtes occitans dels doblatges de dessenhs animats realizats per l'associacion Conta'm.